ԱՄՆ-ում գազավորված ըմպելիքների պահանջարկն ընկել է

ԱՄՆ-ում գազավորված ըմպելիքների օգտագործումը վերջին 15 տարվա մեջ հասել է իր նվազագույն շեմին, գրում է The Financial Times-ը:  2011 թ.-ին ամերիկացիներն օգտագործել են 9.5 մլրդ արկղ գազավորված ըմպելիք, ինչը մեկ տոկոսով պակաս է 2010 թ. ցուցանիշից:

Գազավորված ըմպելիքների պահանջարկը գնալով նվազում է, պատճառը ճարպակալումն ու շաքարային հիվանդություն ձեռք բերելու մտավախությունն է:

Չնայած գազավորված ըմպելիքների մասին հնչող չափազանց բացասական կարծիքներին` շուկայում դրանց գները 3 տոկոսով ավելացել են:

Սպառողները գազավորված ըմպելիքների փոխարեն առավել հաճախ սկսել են ջուր, հյութեր և թեյ օգտագործել:

Գազավորված ըմպելիքների ամերիկյան շուկայում առաջատար են Coca-Cola ընկերությունը՝ 34 տոկոս և Pepsi-ն՝ 27 տոկոս շրջանառությամբ:

Հարցեր, պատասխաններ, մեկնաբանություններ